Áki Egilsnes hevur í kvøld spælt sín fyrsta kappingardyst fyri lið sítt í Týsklandi, Aue.
Talan var um fyrru uppgerðina í týsku steypakappingina millum Potsdam og Aue.
Aue vann dystin, ið var leiktur í Potsdam við úrslitinum 28-26. Í steðginum var Potsdam á odda 15-13, so talan var um eitt gott avrik í seinna hálvleiki.
Heimasíðan hjá Aue skrivar, at offensiva verjan hjá Aue í fyrra hálvleiki riggaði ikki so væl. Á plusssíðuni var talan um eit konsentrerað og motiverað lið hjá Aue, sambært heimasíðuni.
Føroyski landsliðsspælarin, Áki Egilsnes skoraði tvey mál fyri Aue í kvøld, og hevur sostatt fingið síni fyrstu kappingarmál í týskum hondbólti.
Fyrsti dysturin hjá Aue í 2. bundesligu verður 11. september móti Tusem Essen.
