Sjónleikarin Alec Baldwin verður ákærdur fyri óviljað manndráp í sambandi við at ein filmsmyndakvinna doyði.
Tað upplýsir ákærumyndugleikin í amerikanska statinum New Mexico í dag.
Tann dripna, Halyna Hutchins, doyði undir upptøkum av filminum »Rust« í oktober í 2021.
Tað hendi, tá eitt skot gekk av í eini skambyrsu, sum Alec Baldwin hevði í hondini, og rati Hutchins.
– Eftir eina gjølla gjøgnumgongd av prógvunum og lógunum í statinum New Mexico eri eg komin ti, at tað er nóg mikið av prógvum fyri at reisa ákæru ímóti Alec Baldwin og øðrum persónur frá »Rust«-liðnum, sigur ákærin, Mary Carmack-Altwies.
##med2##
##med5##
– Á míni vakt er eingin hevjaður yvir lógina, og øll hava rætt til rættvísi, leggur hon afturat.
Advokaturin hjá Alec Baldwin lýsir ákæruna ímóti kenda sjónleikaranum sum eitt »ræðuligt justitsmorð«.
– Hendan avgerðin reingir syndarliga deyðan hjá Halynu Hut hins og ger eitt ræðuligt justitsmorð, sigur Luke Nikas, advokatur, sambært tíðindastovuni AFP.
– Harra Baldwin hevði onga orsøk at halda, at skammbyrsan var lødd ella nakrar annað á filmsliðnum, sigur advokaturin.
Baldwin hevur greitt frá, at hann hevði fingið at vitað, at tað bara vóru leys skot í skambyrsjuni.
Hann hevur áður víst ábyrgdina fyri deyða hennara frá sær.
Eisini tað starvsfólkið, sum hevði ábyrgdina fyri revkvisittunum í filminum, verður ákært, sigur ákærin í New Mexico.
Um Baldwin og rekvisørurin verða funnin sek, kunnu tey rokna við at fáa upp fongsul í upp til hálvtannað ár og eina bót upp á 5000 dollarar.
Ein triði persónur, hjálpari hjá leikstjóranum, David Halls, hevur gjørt semju við ákæran. TAð snýr seg um gáloysni í sambandi við vandamikil vápn.
##med4##
##med3##
Kanningararbeiðið hjá løgregluni hevur serliga havt sum endamál at finna út av, hvussu skapt lóður endaði í skammbyrsjuni hjá Baldwin.
Í eini sjónvarpssamrøðu við ABC News í 2021 hevur sjónleikarin greitt frá, at hann í veruleikanum ikki trýst á avtrekkjaran. Hon gekk av, tá hann avtryggjaði hana, segði hann.
Umframt at spæla høvuðsleikutin í »Rust« var Baldwin eisini framleiðari í westernfilminum.
Upptøkurnar fóru fram uttan fyri býin Santa Fe í New Mexico.
/ritzau/Reuters
##med6##
