Allan Norðberg fekk saman við liðfeløgunum eina minniliga løtu í høllini á Hlíðarenda í Reykjavík í kvøld.
Tað eydnaðist Allani og liðfeløgunum í Vali at vinna 36-30 á Steua Bukarest í tí seinnu fjórðingsfinaluni í European Cup.
Valur vann fyrru fjórðingsfinaluni í Bukarest 36-35, og vann sostatt ein samlaðan 72-65 sigur í fjórðingsfinalunum.
- Hetta var ótrúliga stuttligt at sleppa at spæla á heimavølli frammanfyri einari fullsettari høll, sigur Allan í stuttari viðmerking til in.fo.
- Tað er stórt at vera komin í hálvfinalurnar, men vit ætla okkum enn longur í kappingini, slær Allan fast.
Valur møtir eysturríkska liðnum, Bregenz í hálvfinalunum.
