Klokkan 19.45 fer bólturin á rull á Tórsvølli, har Føroyar í kvøld hava vitjan av Malta í Nations League.
Fyrsti dysturin í bólki D var fyrr í kvøld í Riga í Lettlandi. Andorra, sum Føroyar sunnudagin skulu spæla á útivølli ímóti, megnaðu málleysan javnleik.
Hetta var triðja ferðin á rað, at tað endaði málleyst, tá ið Lettland og Andorra hava dystast. Tvær tær fyrru ferðina var í Nations League fyri tveimum árum síðani.
Tíggju minuttir eftir steðgin misnýtti Letland brotsspark, og eitt korter undan leikloki varð ein av heimamonnunum útvístur.
Heimaliðið hevði fýra royndir á málið og tíggju við síðuna av málinum, meðan Andorra onga roynd hevði á málið og fýra við síðuna av málinum.
Andorra skal sunnudagin spæla á heimavølli ímóti Føroyum, og Lettland skal spæla á útivølli ímóti Malta.
