Føroyski landsliðsmálverjin, Annika Fríðheim Petersen slapp uppí part tá lið hennara, Nykøbing vann 32-23 á Holstebro á útivølli í dysti í bestu donsku hondbóltsdeildini.
Sambært hagtølunum hevði Annika eitt bjargingarprosent uppá 33,3 prosent, hon bjargaði fimm av 15 málroyndum hjá Holstebro tá hon var á vøllinum.
Nykøbing er nummar fimm í deildini við 27 stigum, og tær vera millum átta tey fremstu liðini sum vinna seg í endaspælið.
Komandi fríggjakvøld tekur Nykøbing móti Silkeborg-Voel á heimavølli.
