Hesir eru tilnevndir:
Jann Julin Bejaminsen, B36
Serliga eru tað framrættaðu og álopskendu dygdirnar, ið hava gjørt liðskiparan hjá B36 eyðsýndan í ár.
Jann eigur 12 upplegg í Betri Deildini í ár og er sostatt verjuleikaran við flest uppleggum. Jann er nummar fimm á listanum yvir upplegg fyri allar leikarar.
Góðu avrikini í B36, hava borið við sær at Jann hevur endurvunnið sær eitt pláss á A-landsliðnum og skeyt sítt fyrsta landsliðsmál í 2-2 javnleikinum á Tórsvølli móti Armenia.
- Jann hevur sambært Wyscout vunnið góð 70% av sínum nærdystum í Betri Deildini í ár.
Mathias Voss, HB
Kviki og tekniskt evnaríki høgri bakkurin hjá HB, skifti frá 07 Vestur í ár og vann sær beinavegin fast pláss á høgrabakkinum. Góðu avrikini hava eisini verið við til høgrabakkinum á U21 landsliðnum, Ási Dam, hevur verið fluttur á vinstra bakk fyri HB.
Eins og Jann, er Voss eisini serliga eyðsýndur í álopspartinum og eigur sjey málstig hetta kappingarárið, trý mál og fýra upplegg.
- Mathias hevur sambært Wyscout vunnið góð 74% av sínum nærdystum í Betri Deildini í ár.
Viljormur Davidsen, HB
Hóast liðskiparin á landsliðnum hevur spælt vinstri bakkur fyri Føroyar, hava nógvir minuttir verið leiktir í miðverjuni hjá HB í ár.
Við sínum góðu eginleikum í uppbyggjandi spælinum og góða vinstra beini, ger Viljormur sínar viðleikarar betri. Viljormur hevur leikt flest minuttir fyri HB og verið støðugt góður í ár og er ein av lyklaleikarunum í verjupartinum hjá bæði HB og landsliðnum hetta kappingarárið.
Viljomur skoraði avgerandi mál uppá beinleiðis fríspark í 2-1 sigrinum móti B36 í ár.
- Viljormur hevur sambært Wyscout, vunnið góð 70% av sínum nærdystum í Betri Deildini í ár
Jóannes Kalsø Danielsen, KÍ
Einasti leikarin á KÍ liðnum, ið hevur spælt allar dystirnar á tamb í øllum kappingum í ár, íroknað Evropa dystirnar. Samstundis hevur Jóannes megnað at bert fingið eitt gult kort í Betri Deildini. Umframt at vera stinnur í verjupartinum, hevur fótafimi høgri bakkurin skotið tvey mál og lagt upp til fimm.
- Jóannes hevur sambært Wyscout vunnið góð 74% av sínum nærdystum í Betri Deildini í ár.
Arnbjørn Svensson, Víkingur
Skilagóði miðverjin hevur aftur í ár víst sínar dygdir til at lesa spælið og er altíð stinnur í uppbyggjandi spælinum. Arnbjørn hevur skotið fimm mál í ár og skoraði týdningarmikið mál í 2-0 sigrinum á útivølli móti KÍ í Juni. Arnbjørn fekk eisini sítt fyrsta mál fyri Føroyska landsliðið í mars, tá Føroyar vann 4-0 í vinardysti móti Liktenstein. Hóast lætta bygnaðin, hevur Arnbjørn í ár, víst seg at vera millum bestu miðverjarnar, tá talan er um nærdystir.
- Arnbjørn hevur sambært Wyscout, vunnið góð 77% av sínum nærdystum í Betri Deildini í ár.
Atli Gregersen, Víkingur
Umframt at Atli er síðumakkari hjá Arnbjørn í Víkingamiðverjuni, er hann eisini stýrmaður og liðskipari hjá einum ungum og lokalum gøtuliðið, ið hevur prógvað, at mann kann vinna við sínum egnu. Tað er eitt kynstur at fáa fótbólt at síggja lætt út, og her telist Atli millum teir bestu í Føroyum, ein ímynd av einum 'MVP' leikara. Umframt tað, Atli er mest kendur fyri, so skeyt hann sum miðverji tvey mál í sama dysti, tá Víkingur vann 2-1 í avgerandi dysti móti B36 í Gundadali.
- Atli hevur sambært Wyscout vunnið góð 77% av sínum nærdystum í Betri Deildini í ár.
JP Byggivirkið handar heiðurin til Ársins Verjuleikari 2024.
Í morgin verða tilnevningarnar til Ársins Miðvallari 2024 kunngjørdar.
Hesi stuðla Ársins Leikari 2024:
Hilton Garden Inn
FSF
Atlantic Airways
JFK
Mowi
Kramm
Betri
LÍV
Jysk
Wenzel
JP Byggivirkið
Giljanes Bussar
BEPRO
Niels L. Arge
Fílurin
Norðoya Sparikassi
Runavíkar Kommuna
Eysturkommuna
Tórshavnar Kommuna
Klaksvíkar Kommuna
Nes Kommuna
Fuglafjarðar Kommuna
