Fyrsta umfar í ATV/Cross-kappingini hjá Føroya MC verður við Oyggjarvegin í morgin. Í morgin, leygardagin 25. apríl kl. 10.00, verður fyrsta umfar í ATV/Cross-kappingini, sum áhugafelagið Føroya MC í Havn skipar fyri við Oyggjarvegin.
Kappingin er fyri bæði Motocross og ATV (all-terrain vehicle) (við 4-hjólum), sum eru tvær sjálvstøðugar kappingar.
Kappingin er skipað í fýra umførum. Tann sum hevur flest stig tilsamans í hvørjari kapping, hevur so vunnið ta kappingina. Tey sum vinna í morgin fáa eisini steyp og medaljur.
