Bara eitt lið er á uppflytingarplássi

Tá ið teir næstbestu hjá B36 í kvøld fóru á vøllin at spæla grannauppgerð ímóti HB var tað við trimum tapum á rað í viðførinum. Spurningurin var tí, um liðið aftur hevði fótað sær.

Úrslitið var, at B36 vann 4-1. Tað ber við sær, at B36 aftur er næstfremst, og at tað í løtuni bara er FC Suðuroy, sum er á heiðursmerkjaplássi.

Víkingur er topplið, B36 er næstfremst, og FC Suðuroy er á triðja plássi. B71 er á fjórða plássi, og um kappingin nú var liðug, so hevði FC Suðuroy flutt upp, meðan B71 hevði spælt ímóti B68 um pláss í bestu deildini.

Hálvleiksstøðan í kvøld var 2-0 til B36. Áðrenn eitt korter var farið, hevði Gutti Dahl-Olsen tvær ferðir skorað.

HB minkaði um munin til 2-1, tá ið eitt lítið korter var farið av seinna hálvleiki. Dánjal Reginsson var málskjútti.

Í tíggju minuttir var spenningur í. So økti Carl Mikkelsen um B36 leiðsluna til 3-1, og tá ið tað restaðu tíggju minuttir staðfesti Lars S. Enevoldsen 41 B36 sigurin.

Meðan B36 er við í kappingini um heiðursmerkjapláss, so er tað greitt, at HB er flutt niður úr næstbestu deildini.

Skráin hjá B36 sær soleiðis út fram ímóti kappingarenda: NSÍ ((h), FC Suðuroy (ú), FC Hoyvík (h) og Víkingur (ú).

Skráin hjá HB sær soleiðis út fram ímóti kappingarenda: KÍ (ú), B71 (ú) og AB (h)

HB – B36 1-4 (0-2)

0-1: Gutti Dahl-Olsen 8.

0-2: Gutti Dahl-Olsen 14.

1-2: Dánjal Reginsson 57.

1-3: Carl Mikkelsen 68.

1-4: Lukas S. Enevoldsen 79.

Dómari: Dagfinn Forná

B71 – AB 1-1 (0-0)

1-0: Julian Frankieson Knudsen 63.

1-1: Rógvi Skála 66.

Dómari: Rúni Gaardbo

NSÍ – KÍ 0-3 (0-2)

0-1: Dávid B. Andreasen 26.

0-2: Dan í Soylu 40.

0-3: Dan í Soylu 51.

Dómari: Heini Ziskason Viðoy

Sunnudagin

FC Hoyvík – Víkingur: Alex Troleis kl. 17.00

FC Suðuroy – TB: Høgni Madsen kl. 15.00