FC Barcelona spældi í gjár málleysan javnleik móti grannunum úr Girona. Xavi og hansara menn eru 13 stig frammanfyri Real Madrid, sum um vikuskiftið tapti á heimavølli móti Villarreal.
Mitt í farnu viku vann Real Madrid heili 4-0 á FC Barcelona í seinnu hálvfinaluni í sponsku steypakappingini. Samanlagt vann Real Madrid 4-1, eftir at hava tapt heimadystin, men setti alt upp á pláss á Camp Nou, har Karim Benzema skoraði hattrikk.
Leygarkvøldið gekk minni væl. Real Madrid var eitt skifti á odda 2-1 móti Villarreal á heimavølli, men endaði við at tapa 3-2. Við hesum sendi Real Madrid eina gávu til FC Barcelona, sum annars kundi verið merkt av stórtapinum á heimavølli mikukvøldið.
Í gjárkvøldið fekk FC Barcelona vitjan av somuleiðis katalanska Girona. Gestirnir høvdu avgjørt sínar møguleikar, men tá dómarin bríkslaði av mundi Robert Lewandowski, áleyparin hjá FC Barcelona, iðra seg mest um brendar málmøguleikar.
Hóast ein málleysan javnleik á heimavølli, so hevur FC Barcelona økt um leiðsluna í oddinum til 13 stig.
| 1 | Barcelona | 28 | 23 | 3 | 2 | 53:9 | 72 |
| 2 | Real Madrid | 28 | 18 | 5 | 5 | 59:24 | 59 |
| 3 | Atlético Madrid | 28 | 17 | 6 | 5 | 45:20 | 57 |
| 4 | Real Sociedad | 28 | 15 | 6 | 7 | 37:26 | 51 |
| 5 | Villarreal | 28 | 14 | 5 | 9 | 37:26 | 47 |
| 6 | Real Betis | 28 | 13 | 6 | 9 | 34:29 | 45 |
| 7 | Athletic Bilbao | 28 | 11 | 7 | 10 | 38:29 | 40 |
| 8 | Osasuna | 28 | 10 | 8 | 10 | 24:28 | 38 |
| 9 | Rayo Vallecano | 28 | 9 | 10 | 9 | 33:33 | 37 |
| 10 | Celta de Vigo | 28 | 9 | 9 | 10 | 36:39 | 36 |
| 11 | Girona | 28 | 9 | 8 | 11 | 42:42 | 35 |
| 12 | Mallorca | 28 | 9 | 7 | 12 | 25:30 | 34 |
| 13 | Sevilla | 28 | 8 | 8 | 12 | 33:44 | 32 |
| 14 | Cádiz | 28 | 7 | 10 | 11 | 23:40 | 31 |
| 15 | Almería | 28 | 8 | 6 | 14 | 34:48 | 30 |
| 16 | Getafe | 28 | 7 | 9 | 12 | 27:36 | 30 |
| 17 | Real Valladolid | 28 | 8 | 5 | 15 | 23:47 | 29 |
| 18 | Valencia | 28 | 7 | 6 | 15 | 30:34 | 27 |
| 19 | Espanyol | 28 | 6 | 9 | 13 | 34:46 | 27 |
| 20 | Elche | 28 | 2 | 7 | 19 | 20:57 | 13 |
