Væl og leingi varð lýst við, at Biker-Jens byrjaði síni show í Føroyum í Suðuroynni. Tá Jens kom í land á Drelnesi, tóku eini 10-15 menn og kvinnur á motorsúkklum ímóti honum.
Jens hevði ikki havt sjóverk á túrinum um Suðuroyarfjørð, hóast veðrið ikki júst var nakað at reypa av.
Lagt var beinanvegin til brots við einum túri suður eftir oyggj ? til Vágs á Vágseiðið at njóta vøkru náttúruna har, og so norðeftir aftur í Klubban á Tvøroyri, áðrenn showtime í Trongisvágshøllini klokkan 19.
Seinni í kvøld var Bikerjens at hitta í Klubbanum á Tvøroyri.
Jens veit eitt sindur um Føroyar. Í fólkaskúlanum skrivaði Jens og floksfelagar uppgávu um Føroyar og hevði hann tá brævasamband við gentu av Tvøroyri, men hvørt tey hittast á ferðini í Suðuroynni er einki frætt frá.
Men Jens hitti beinanvegin felagar í føroyska motorsúkkluheiminum og sera fyrikomandi er hann og dugir væl at tosa við tey, ið koma á mál við hann. Leygarmorgun gekk leiðin aftur norður um fjørð ? the show must go on!
