Frælsur ítróttur
Kappingin varð hildin leygarmorgunin á Stovugólvinum, sum er økið norðanfyri Svangaskarð á Toftum.
Hjá monnunum var lagt upp til dyst millum Guttorm Sørensen, Sam Vang og afturvenda Hall Holm. Sam vann seinasta vikuskifti í Streymnesi, meðan Guttorm bleiv nummar trý. Hallur luttók aftur í kapping fyri fyrstu ferð síðani síðsta summar.
Sam og Gutti løgdu seg á odda og fylgdust frá byrjan við Halli tætt í hølunum. Henda støða helt sær til sætta umfar, men tá var Hallur dragnaður eitt sindur. Tá teir fóru út á sjeynda umfar setti Sam ferðina upp og slapp leysur frá Guttormi, sum ikki megnaði at svara aftur. Tann støðan helt á mál og kundi Sam Vang á fyrsta sinni renna á um málstrikuna sum føroyameistari í cross. Guttorm bleiv nummar tvey og Hallur nummar trý.
Bjørk var einsamøll kvinna, men hon rann sera væl. Hjá veteranunum var tað Borgar Biskopstø, sum gjørdist føroyameistari frammanfyri Flemming Petersen og Poul Poulsen.
