Nakað soleiðis segði Bjørn Kalsø, mentamálaráðharri í kjakinum í Degi & Viku í gjárkvøldið, tá hann millum annað skuldi verja seg móti ákærum frá Kinnu Poulsen um, at hann er ein ómentaður mentamálaráðharri.
Grundarlagið fyri kjakinum var, at Bjørn Kalsø skýtur upp at skerja játtanina til Mentanargrunnin við 20 prosentum – ella 1,2 millión krónum.
Bjørn Kalsø skyldaði upp á raðfestingar og uppá, at ráðið hjá honum skal spara 50 milliónir upp á nøkur ár til tess at fáa javnvág aftur á fíggjarlógina.
Sjálvandi snýr tað seg um raðfestingar. Politikkur er raðfestingar. Tað er uppgávan hjá mentamálaráðharranum at raðfesta eftir bestu sannføring. Tí tykist tað løgið, at Bjørn Kalsø ikki erliga og reiðiliga bara sigur, at hann velur altso samtíðarmentanina frá.
Honum dámar betri gamla mentan, føroyskan dans og træbátar. Hann hevur raðfest soleiðis, at í staðin fyri at skera øll yvir ein kamb, so velur hann at uppraðfesta okkurt og niðurraðfesta annað. Samtíðarlistin er tað, sum Bjørn Kalsø heldur vera minst vert og tí skal niðurraðfestast mest.
Kinna Poulsen heldur, at hetta vísur, at Bjørn Kalsø er ein ómentaður mentamálaráðharri.
Tað hevði Bjørn Kalsø einki ímóti at hava sitandi á sær – tí hann er konservativur og av bygd
Sjónvarpsversturin fekk ikki svarið uppá, hvør grundtankin er aftan fyri avgerðina at skerja játtanina til Mentanargrunnin 20 prosent.
– Man Bjørn Kalsø hugsa – men ikki tora at siga – at stórur partur av hesum starvslønunum fara til fjant og fjas?
Hevði hann sagt tað, so livdi hann upp til fordómarnar um, at vit hava eina reaktionera samgongu, sum slær hart niður á tey, sum ikki ganga í takt...
