Føroyingarnir, sum í hesum døgum eru í Boston og kappast um HM í inniróðri, fara aftur í ár at hava í hvussu so er ein heimsmeistara heim aftur við sær. Tað er greitt, nú kappingin millum 40-49 ára gamlar menn í lættvekt er liðug.
Bogi Olsen úr Rituvík er heimsmeistari. Hann vann kappingina í tíðini 6:28.8.
Bogi Olsen er sera royndur rógvari - krútsterkur, tiltikin treiskur og við einum vilja, sum kanska eingin annar.
Bogi hevur eitt nú vunnið nógv FM við Eysturoyingi, og hann er millum teirra, sum síðani á nýggjárinum hava fyrireikað seg at manna Eysturoying í róðrarárinum, sum stendur fyri framman.
Og í dag hevur hann í Boston vunnið HM í inniróðri!
Í fjør vann Dánjal Martin Hofgaard úr Hvalba HM í kappingini millum menn í opna bólkinum. Hann fer at kappast seinni í dag. Níggju føroyskir rógvarar eru í Boston og luttaka í HM í inniróðri.
Kappast verður á Aganis Arena í Boston, og tað ber til at fylgja við á
http://www.concept2.com/indoor-rowers/racing/world-irc/live
