Sunnudagin seinnapartin vóru tveir dystir leiktir í Burn mansdeildini.
Tap var í hendi hjá Kyndli í dystinum móti Neistanum í høllini á Hálsi. Tá tveir minuttir vóru eftir av dystinum var Neistin á odda 27-24. Men við einum máli hjá Niklasi Gaard, og tveimum málum hjá Tobiasi Thisen eydnaðist tað kyndilsmonnum at knógva eitt sera týðandi stig. Í steðginum var Kyndil á odda 13-11.
Tobias Thisen var saman við William Skovsager toppskjútti hjá Kyndli. Teir skutu sjey mál hvør. Við seks málum var Hóri Reginsson toppskjútti hjá Neistanum.
StÍF sum er í kapprenningini at røkka øðrum plássinum, og harvið einum beinleiðis FM-hálvfinaluplássi var fyri stórum bakkasti í høllini í Kollafirði.
KÍF vann greiðan 37-30 sigur á StÍF. Kollfirðingar vóru á odda 19-16 í steðginum.
Hans Eli Sigurbjørnsson var við 10 málum toppskjútti hjá KÍF. Pætur Ó. Barclay og Trúgvi Hávardsson vóru við seks málum hvør toppskjúttar hjá StÍF.
Kyndil er á øðrum plássinum eitt stig frammanfyri StÍF. Meðan StÍF bert hevur ein dyst eftir at leika í grundspælinum, so hevur Kyndil tveir dystir eftir at leika.
HER ber til frá HSF at síggja dómaraseðlarnar frá dystunum í Havn og Kollafirði, umframt støðuna í deildini:
##med2##
##med3##
##med4##
