Tað sigur nýggja stýrisforkvinnan í Bústøðum, Anna Maria Joesen, við Kringvarpið í tíðindunum á middegi.
Hon segði við Kringvarpið, at avgerðin varð tikin, tá landsstýriskvinnan í gjárkvøldið í Degi og viku boðaði frá, at hon fór at taka stig í málinum. Tað vóru nøkur formlig viðurskifti, sum skuldu fáast upp á pláss, áðrenn landsstýriskvinnan fekk boðini, segði forkvinnan.
Spurd um tíðindaskrivið, sum Bústaðir sendu út í síðstu viku, sum tað seinni vísti seg at vera formaðurin í sjálvdrátti, sum hevði sent út, hevði hon ongar viðmerkingar. Har varð annars boðað frá fleiri verkætlanum um stovnar til Almennaverkið, sum hvørki Almannaverkið ella leiðsla og nevndarlimir í Bústøðum vistu nakað um. Har var eisini sagt, at Bústaðir stevna ímóti gjaldføriskreppu. Heldur ikki tað, vildi nýggja forkvinnan gera viðmerkingar til.
Stýrið fyri Bústaðir er nú skipað soleiðis:
Anna Maria Joensen, forkvinna
Emmy Joensen
Una Joensen
Regin Djurhuus Hammer
Tom Silvurdal