Mjølnir spældi í kvøld seinna dystin í Challenge Cup móti niðurlendska liðnum, Sliedrecht.
Á útivølli tapti Mjølnir 0-3, og tað gjørdu teir aftur í kvøld. Klaksvikingar góvu tó Skiedrecht góða mótstøðu í øllum trimum settunum. Serliga í øðrum settinum.
Settmunurin var 21-25, 23-25 og 21-25.
Sostatt tapti Mjølnir samlað 0-6. Í kvøld fekk Mjølnir 65 bóltar í gólvið hjá Sliedrecht, ið má staðfestast at vera heiðurligt avrik móti risastóru favorittunum úr Niðurlondum.
