Tónleikur
Pop.fo
Full ferð er á upptøkunum til nýggja fløgu við rockbólkinum Chase.
Upptøkur eru gjørdar í Keypmannahavn, men nú fer alt fram í JacZac Studio í Havn, har Niclas Johannesen stendur fyri arbeiðnum.
Í dagbók á heimasíðuni hjá Chase sigur sangarin í bólkinum, Edmund Jacobsen, at tónleikur uttan iva kann kallast rocktónleikur.
- Men tey, sum vænta eina reindyrkaða 80'ara fløgu fáa nokk eitt sjokk, sigur hann. Hann vil tó ikki avdúka, hvat hetta í roynd og veru merkir.
Ætlanin er, at nýggja fløgan skal koma út í hesum árinum, men tað ganga einar tvær vikur, áðrenn endaligi útgávudagurin kann ásetast.
