City og Conte sigraðu

Tveir teir seinastu dystirnir í 12. umfari í Premier League hava verið í dag. Manchester City vann 3-0 á Everton, meðan Tottenham og nýggi venjarin, Antonio Conte, vunnu 2-1 á Leeds.

Fyrri dysturin í dag var Etihad leikvøllinum í Manchester, har grannararnir úr Liverpool, Everton, vóru á vitjan. Rafael Bentie fekk eina góða byrjan sum venjari hjá Everton, men nú gongur verri. Ein orsøk er skaðar, og aftur í dag mátti hann skifta í dystinum vegna skaðar.

Manchester City koma á odda beint fyri hálvleik, tá Raheem Sterling skoraði í sínum dysti nummar 300 í Premier League. Í seinna hálvleiki økti Rodri við dundurskoti uttanfyri brotsteigin. Bernardo Silva setti punktum við máli til 3-0.

Í seinna dystinum í dag vann Tottenham, eftir at hava verið aftanfyri 1-0 móti Leeds. Antonio Conte er nýggjur venjari og hevur lagt nógv fyri í verjupartinum. Millum annað hevði Tottenham einki skot á mál í fyrsta dystinum, og heldur einki í fyrra hálvleiki í dag.

Tað endaði tó væl fyri Antonio Conte og Tottenham. Fyrst skoraði danski Pierre-Emile Hoejbjerg 1-1, áðrenn Sergio Reguilon skoraði til 2-1. Tað var hansara fyrsta mál í sínum dysti nummar 50 fyri Tottenham.