Um eina stóra viku verður aftur farið undir kappinga um at sleppa við til HM endaspælið í 2022.
Fyrsta september skulu Føroyar spæla á heimavølli ímóti Ísrael, og sama dag fær Danmark vitjan av Skotlandi. Fjórða september fáa Føroyar vitjan av Danmark.
Í gjár varð føroyski hópurin almennur, og í dag hevur danski venjarin Kasper Hjulmand havt tíðindafund, har hann hevur boðað frá, hvørjum spælarum hann hevur sent boð eftir. Umframt ímóti Skotlandi og Føroyum skal Danmark spæla ímóti Ísrael, og venjarin hevur sent boð eftir 26 spælarum.
Talan er fyri tað mesta um spælarar, sum í summar vóru við í EM endaspælinum, har tað eydnaðist Danmark at vinna seg í hálvfinaluna. Undantakið millum lyklaspælararnar er Christian Eriksen, sum ikki er komin fyri seg enn, eftir at hann í fyrsta dystinum í summar small um eftir hjartasteðg.
Í vár spældi Danmark tríggjar dystir. Danir vunnu fulla úrtøku við málmuninum 14 – 0, og venjarin vónar, at tað fer at eydnast at halda fram í sama stíli sum í vár, og sum Danmark vísti síðsta partin av EM endaspælinum í summar. Um tað eydnast Danmark at vinna allar tríggjar dystirnar, sum vera næstu tvær vikurnar, so verður Danmark tryggjað pláss í HM endaspælinum, sum verður í Katar í november og desember 2022. Fyrsti dysturin verður 21. november, og finalan er sett at vera 18. desember 2022.
Boðsendu spælararnir eru hesir:
Málverjar
Frederik Rønnow
Jonas Lössl
Kasper Schmeichel
Verjuspælarar
Andreas Christensen
Jannik Vestergaard
Jens Stryger Larsen
Joachim Andersen
Joakim Mæhle
Nicolai Boilesen
Rasmus Nissen Kristensen
Simon Kjær
Miðvallarar
Anders Christiansen
Christian Nørgaard
Daniel Wass
Mikkel Damsgaard
Philip Billing
Pierre-Emile Højbjerg
Rasmus Falk
Thomas Delaney
Álopsspælarar
Andreas Cornelius
Andreas Skov Olsen
Jonas Wind
Kasper Dolberg
Martin Braithwaite
Mohamed Daramy
Yussuf Poulsen
