Annars frættist, at Joe Biden í morgin fer á fund við demokratisku guvernørarnar.
Sambært Reuters skal fundurin hava givið Biden møguleika at vissa guvernørarnar um, at hann er væl fyri bæði heilsuliga og sálarliga eftir eitt kjakfundin við Donald Trump, har tað ikki gekk so væl, og sum hann hevur fingið so nógvar atfinningar fyri.
Fundurin verður í Hvítu Húsunum. Tað verður helst fyri tað mesta virtuelt, tí fleiri guvernørar fara væntandi at luttaka yvir netið.
Sambært CBS News eru tað í høvuðsheitum ovastu ráðgevarnir hjá Biden, sum higartil hava havt fundir við demokratarnar eftir kjakið.
Amerikanskir miðlar skriva, at Biden-herferðin hevði viljað, at varaforsetan, Kamala Harris, skuldi tosa við guvernørarnar. Men demokratisku guvernørarnir vildu tosa beinleiðis við forsetan.
/ritzau/
