Danska veðurstovan DMI lovar hampiligt um vikuskiftið. Tað verður eitt sindur av vindi, vátt onkrar løtur, men møguleiki er eisini fyri onkrum sólglottum.
DMI sigur, at í dag vera 5-10 m/s av útsynningi, í støðum upp í 13 m/s, seinnapartin av vestri. Skýggjað ella samdrigið og támut veður við mjørka, í støðum nakað av regni. Seinnapartin fer eitt skifti at regna av vestri, men seinni á degnum verður klárari aftur og nakað av sól. Hitin verður millum 8 og 11 stig.
Í nátt vera 8-13 m/s av útsynning, skiftandi skýrák og okkurt æl. Hitin verður millum 5 og 9 stig.
Sunnudagin vera 5-10 m/s av útsynningi. Nakað av sól, men eisini onkur æl. Hitin verður millum 7 og 12 stig.