Elias Ellefsen á Skipagøtu skuldi fingið reytt kort, men hann hvørki leyp á ella slóg Markus Olsson í taklingini, sum tyktist ógvuslig í aðru meistaraskapsfinaluni millum liðið hjá Eliasi, Sävehof og Kristianstad í høllini í Partille farna mánakvøld.
Tað heldur dómaraleiðarin hjá svenska hondbóltssambandinum, Björn Ericsson.
Björn Ericsson staðfestir í viðmerking til blaðið, Kristianstadbladet, at taklingin fær einki eftirspæl fyri Elias.
Tískil kemur nógv umtalaða taklingin ikki til viðgerðar hjá aganevndini hjá svenska hondbóltssambandinum.
Kristianstad og Sävehof spæla triðu meistaraskapsfinaluna í Kristianstads Arena í annaðkvøld, har tey hjá IFK Kristianstad vænta fulla høll, 5.200 áskoðarar. Støðan í samlaðu uppgerðini, har spælt verður best av fimm dystum er javnleikur 1-1.
