Eftirløn í øðrum norðurlondum

Finnur Helmsdal, løgtingsmaður

Spurningarnir eru hesir:
Hava føroyingar rætt til út­lendska pensión fyri tíðar­skeið, teir hava arbeitt í norð­urlondum?
Um so er, hvørjum londum kunnu føroyingar fáa slíka pensión frá?

Viðmerkingar
Hugtakið útlendsk pen­sión verður nógv umrøtt í Dan­mark í løtuni. Tað er kom­ið fyri ein dag, at dansk­arar, sum hava arbeitt í norð­urlondum onkun tíð í sínum arbeiðslívi, hava rætt til pensión ella eftirløn fyri tað tíðar­skeiðið, tey hava arbeitt í hes­­um lond­un­um. Tey hava rætt til pen­sión frá við­kom­andi landi, og verður upp­hæddin tey fáa í hes­um sam­bandi, ikki mót­rokn­að í pen­sión­ini, tey fáa í Dan­mark. Treytin fyri at fáa slíka pen­sión er tó, at ein upplýsir um møgulig arbeiðsár í einum av grannalondunum. Av tí at millum fá og eingin hava vitað av hesum møguleika, eru tað rættiliga fá, sum fáa útlendska pensión. Nú verður nokk so nógv gjørt fyri at upplýsa fólki um møgu­leikan fyri útlendskum pensiónum, m.a gjøgnum fak­felagsbløð, og kunnu mynd­ugleikarnir eisini staðfesta ein alsamt vaksandi áhuga millum fólk, sum hava ar­beitt í øðrum norðanlandi í styttri ella longri tíðarskeið av arbeiðsárum sínum.
Spurningurin viðvíkjandi útlendskari pensión hevur vakt so stórans ans í Dan­mark, at málið nú er reist í Fólkatinginum.
Nú eru so eisini føroy­ing­ar, sum hava arbeitt í norð­ur­lond­um, farn­ir at fregn­ast, um eis­ini teir hava møguleikan fyri at fáa útlendska pensión. Tí verð­ur hesir spurningar settir lands­stýrismanninum.