Ein brúgv yvir ánna Elben smokkaði partvís saman í týska stórbýnum, Dresden, tíðliga í morgun.
Tað er ógreitt, hvør orsøkin til hendingina var.
Umleið 100 metrar av Carola-brúnni brotnaðu og duttu niður í Elbenánna.
Útlendskir miðlar vita í morgun at siga, at parturin av brúnni, sum brotnaði, forðar skipaferðslu í økinum.
Tað var um 03-tíðina í nátt, at hendingin fór fram, men higartil er einki frætt um persónsskaðar.
Tíðindastovan NTB veit at siga, at hitaleiðingar til stóran part av Dressden eru raktar, nú brúgvin smokkaði.
