Fleiri málsøki skifta ráðharra, nú Lars Løkke Rasmussen, forsætisráðharri, hevur givið ráðharranum í innflytara- og kirkjumálum, Birthe Rønn Hornbech, sekkin. Broytingin í stjórnini ber í sær, at Søren Pind, sum hevur verið ráðharri í menningarmálum, yvirtekur innflytaramál. Samstundis yvirtekur mentamálaráðharrin, Per Stig Møller, kirkjumálini.
Av tí at skúlamálaráðharrin, Tina Nedergaard, hevur valt at fara frá, hevur forsætisráðharrin gjørt av at seta Troels Lund Poulsen at umsita skúlamál. Hann var frammanundan skattamálaráðharri, og tað málsøkið yvirtekur Peter Christensen. Hann hevur higartil verið politiskur framsøgumaður hjá Vinstra og er nýggjur í stjórnini.
