Bæði í norðurøkinum og miðstaðarøkinum vórðu bilførarar steðgaðir og kannaðir í nátt, og í allar flestu førum vísti alt seg at vera í lagi.
Vaktleiðarin visti í morgun at siga, at løgreglan í fleiri tímar tilsamans hevði eyguni eftir møguligari rúsdrekka-og narkokoying.
- Í norðurøkinum vórðu kanningar gjørdar í tímunum frá 01.30 til 05.15 og til og úr Havnini frá klokkan 01 til 04.30.
Løgreglan sigur, at klokkan 02.15 varð ein bilførari steðgaður í norðurøkinum, sum verður skuldsettur fyri narkokoyring.
- Hesin var ávirkaður av narko, og smáar nøgdir av narko vórðu eisini funnar í bilinum hjá viðkomandi.
Vaktleiðarin visti at siga, at bilførarin viðgekk at koyra ávirkaður.
- Blóðroynd er tikin, og bilførarin verður skuldsettur fyri narkokoyring, visti løgreglan at siga í morgun.
