Dagarnar 13. til 30. januar í 2022 verður EM-endaspælið í manshondbólti avgreitt í Ungarn og Slovakia.
Føroyar vóru bert tvey mál frá at vinna seg í EM-endaspælið. Høvdu Føroyar t.d. vunnið 27-26 og ikki tapt 26-27 í heimadystinum móti Ukraina høvdu Føroyar verið ein av betri trý´arunum við fýra stigum, og høvdu vunnið seg í EM-endaspælið. Tað hendi ikki, og nú kunnu vit staðfesta, at Ukraina endaði í einum krútsterkum bólki.
Kroatia, Frakland og Serbia vera mótstøðuliðini hjá Ukraina í bólki C.
Innleiðandi bólkarnir síggja soleiðis út:
A: Slovenia, Danmark, Norðurmakedonia og Montenegro
B: Portugal, Ungarn, Ísland og Niðurlond
C: Kroatia, Serbia, Frakland og Ukraina
D: Týskland, Eysturríki, Hvítarussland og Póland
E: Spania, Svøríki, Kekkia og Bosnia Hercogovina
F: Noreg, Russland, Slovakia og Litava
