Erna Háberg, sum hevur verið leiðari á Heimarøktini seinastu trý árini, sigur nú upp og fer í starvið sum økisleiðari hjá Heimarøktini fyri Suðurstreymoy. Fyrrverandi økisleiðarin í Suðurstreymoy, Kitty Vang, fór fyrst í farloyvi í eitt ár og hevur síðani sagt upp. Hennara starv varð lýst leyst og freistin at søkja var úti hálvan juli. Og Erna Háberg valdi at søkja.
Tað virkar fyri summum kanska eitt sindur løgið, at man fer úr einum hægri starvi í eitt lægri, men seinastu átta árini hava verið ógvuliga strævin, fyrst sum leiðari á Heimahjálpini í 5 ár og so nú sum leiðari á Heimarøktini í 3 ár, og nú trongi eg til at røkja eitt minni krevjandi arbeiði. So einfalt er tað. Enn havi eg ikki sagt upp, men tað geri eg skjótt, tí 1. okt. fari eg í nýggja starvið, sigur Erna Háberg.
Í nakrar vikur hevur Erna verið sjúkrameldað, men mánadagin fer hon aftur til arbeiðis sum leiðari á Heimarøktini. Elspa Lützen hevur virkað sum leiðari meðan Erna hevur verið burturi.
