Tíðindastovan NTB veit í morgun at siga, at ES-leiðarar í dag fara at hava ein fund um Ukraina.
Á skránni verður friðarætlanin fyri krígsherjaða landið.
Hetta hendir, samstundis sum fundur er millum ES og Afrikansku Uniónina (AU) í Luanda í Angola fyrrapartin í dag.
Tað er skrivstovan hjá ES-forsetanum, Antonio Costa, sum kemur við hesum upplýsingum í morgun.
Fundurin millum ES-leiðararnar er óformellur, sum tað verður sagt.
- Leiðararnir, sum ikki eru til steðar í Luanda í morgun, verða við á netinum, verður lagt aftrat.
