Maria P. Nólsoy og liðfelagarnir í Horsens máttu á heimavølli lúta 26-37 fyri verandi meistarunum, Esbjerg.
Í fyrra hálvleiki gav Horsens meistarunum skarpan gang, og í steðginum var Esbjerg bert á odda við einum máli, 18-17. Í seinna hálvleiki rann Esbjerg frá heimaliðnum og vann at enda greitt.
Maria skoraði eitt mál og legði upp til tvey mál hjá liðfeløgunum. Norski stórleikarin hjá Esbjerg, Henny Reistad var stórskjútti. Hon skoraði 14 mál upp á 15 málroyndir.
Horsens er nummar 11 í deildini við fýra stigum fyri sjey dystir.
Komandi fríggjakvøld spælir Horsens dyst á útivølli móti Sønderjyske.
