Hjá kvinnunum skal leikarin hava aldur til U19 landsliðið, og hjá monnum, skal leikarin hava aldur til U21 landsliðið. Í ár hevur FM1 roynt seg við tilnevningum til heiðrarnar hjá monnunum.
Mowi handar heiðurin til Ársins Unga Leikara 2024 hjá monnum. Betri handar heiðurin til Ársins Unga Leikara 2024 hjá kvinnum.
Teir tilnevndu eru:
Emil Weihe Joensen, EB/Streymur
Emil hevur fyrr roynt seg í B36, Skála og ÍF. Men hevur í ár fingið sítt veruliga gjøgnumbrot við EB/Streymi. Hann er miðvallarin í Føroyum, ið er í flest nærdystum. Ein øðrvísi miðvallari enn hinir tilnevndu, ið hevur førleikarnir til at kunna spæla á Føroyska A-landsliðnum.
Emil hevur skotið fimm mál í ár og málið í 1-0 sigrinum móti Skála í august, bar við sær, at EB/Streymur ongantíð var í veruligum vanda fyri niðurflyting í ár.
Áki Samuelsen, HB
Hóast sín unga aldur, er Áki longu vorðin ein lyklaleikari í HB. Tað var sjónligt, at HB var merkt av tí, at Áki var skaddur ein stóran part av seinasta triðinginum hetta kappingarárið. Yvir 19 dystir, bleiv tað til 12 mál hjá Áka, og var hann eisini við frá byrjan, tá U21 landsliðið hjá Føroyum vann 1-0 á Hvítarusslandi.
Áki vann steypafinaluna við HB leygardagin.
Ejvind Mouritsen, HB
Ejvind fekk sítt veruliga gjøgnumbrot í bestu deildini í ár. Hann hevur leikt 20 dystir í ár og triðflestar minuttir fyri steypavinnaran. Ejvind er sera góður til tey einfaldu tingini og megnaði eisini at skjóta fýra mál, hóast sín verjukenda leiklut á miðvøllinum. Ejvind hevur leikt tríggjar landsdystir fyri U21 landsliðið í ár og hevur eisini aldur, at vera við komandi ár.
Ejvind vann steypafinaluna við HB leygardagin.
Árni Nóa Atlason, Víkingur
Sonur liðskiparan hjá Víkingi, er bert 18 ára gamal. Hann er føddur í 2006 og er tí eisini yngsti leikarin á listanum. Hóast sín unga aldur, hevur Árni havt ein týðandi leiklut hjá meistarunum í ár og serliga er tað hansara góða skil fyri spælið, umframt at vera sera væl fyri kroppsliga, ið ger at hann endar millum teir bestu í ár.
Árni hevur leikt 24 dystir í ár og hevur skotið trý mál og leikti allar fýra dystirnar hjá Víkingi í Conference League.
Hetta er ein av teimum heilt spennandi ungu leikarunum í bestu Føroysku deildini. Hann er stórsti profilurin á U19 landsliðnum og verður longu sæddur sum ein komandi stjørna hjá A-landsliðnum um nøkur ár.
Olaf Bárðarson, Víkingur
Ein av teimum ungu og mest evnaríku leikarunum í Føroyskum fótbólti. Eins og Áki hevur skaðar eisini forða Olaf í vísa síni kynstur yvir eitt heilt kappingarár og hevur hann hóast hetta megnað 20 málstig í Betri Deildini 2024. Serliga eru tað hansara málstig móti topp 3 liðum í ár, ið hava gjørt hann týdningarmilan fyri Víking. Ein av stóru profilunum á U21 landsliðnum við óhugnaligari ferð, ið bara stendur og bíðar eftir sítt gjøgnumbrot til A-landsliðið.
Poul Kallsberg, Víkingur
Poul flutti til meistaraliðið í fjør og er ein av fáu leikarunum, ið ikki hava uppruna í Víkingi. Í ár eru mál og upplegg eisini vorðin ein partur av hansara íkasti til Víkingaspælið, og longu vísa útlendsk feløg hon stóran áhuga. Poul skoraði 12 mál og hevði 14 upplegg í ár. Han er nummar trý á listanum yvir málstig í Betri Deildini 2024. Eins og viðleikaran á hinum vonginum, hevur Poul eisini fingið fýra málstig móti mótstøðuliðum í topp 3 hetta kappingarárið.
Mowi handar heiðurin til Ársins Ungi Leikari 2024 hjá monnum.
Hesi stuðla Ársins Leikara 2024:
Hilton Garden Inn
FSF
Atlantic Airways
JFK
Mowi
Kramm
Betri
LÍV
Jysk
Wenzel
JP Byggivirkið
Giljanes Bussar
BEPRO
Niels L. Arge
Fílurin
Norðoya Sparikassi
Runavíkar Kommuna
Eysturkommuna
Tórshavnar Kommuna
Klaksvíkar Kommuna
Nes Kommuna
Fuglafjarðar Kommuna
