Tað verður sera torført hjá neistamonnum at vinna seg víðari úr fyrsta umfarinum í Europa Cup kappingini.
Neistin tapti í dag stórt 23-34 fyri ísraelska liðnum, Holon Yuvalim í fyrra dystinum í høllini á Hálsi í Havn.
Fyrr í dag mettu annars tvær altjóða veddingarfyritøkur, at Neistin var favorittur at vinna dystin.
Holon Yuvalim var á odda 17-11 í steðginum.
Sambært hagtølunum brendu neistamenn 28 av 51 málmøguleikum. Holon Yuvalim brendi bert 16 av 50 málmøguleikum.
Liðini hittast aftur í morgin klokkan 17 í høllini á Hálsi.
Holon Yuvalim-Neistin 34-23 (17-11) - fyrri dysturin í 1. umfarinum av Europa Cup
Neistin: Tróndur Kragesteen 5/8, Rókur Árason 4/5, Fríði Mørk Hentze 3/5, Ári Arnason 3/5, Philip Harper Müller 2/4, Marius Berg Johansen 2/3, Hóri Reginsson 1/4, Pauli Høj 1/4, Rói Haldansen 1/4, Johannes Pólsson Kragesteen 1/8.
Alaksandar "Sasha" Lacok hevði eitt bjargingarprosent upp á 27,03 prosent.
