Allan Norðberg og liðfelagarnir í Vali hava vunnið seg í áttandapartsfinalurnar í European Cup.
Valur vann seg trygt víðari til 4. umfar í European Cup. Valur vann farna leygarkvøld á heimavølli 33-28 á ukrainska liðnum, Motor Zaporozhye. Í steðginum var Valur á odda 16-12.
Valur vann 35-31 á útivølli, og vann sostatt ein samlaðan 68-59 sigur á Motor Zaporozhye.
Í áttandapartsfinalunum skal Valur spæla móti serbiska liðnum, Metalopastika. Áttandapartsfinalurnar vera spældar millum 10. og 18. februar.
Banamennirnir hjá VÍF, Brixen úr Italia skal møta Olympiakos úr Grikkalandi í áttandapartsfinalunum.
Umframt Valur hevur FH eisini vunnið seg í áttandapartsfinalurnar, so íslendingar hava tvey lið í áttandapartsfinalunum.
Her eru áttandapartsfinalurnar í European Cup:
FH – Tatran Presov.
Minaur Baia Mare – Vogosca.
Slobada – Krka.
Steaua Búkarest – Karvina.
Valur – Metalopastika.
Krems – Bregenz.
Brixen – Olympiakos.
Besiktas – Green Collect.
