Skálafjarðar læknadømi fær nú ein nýggjan kommunulækna, sum kemur at arbeiða í Runavík.
Heilsutrygd hevur sett Eyð Tausen Magnussen í starv sum kommunulækna í læknadøminum.
Hon kemur at arbeiða í viðtaluhøli 1, har Kári Rasmussen hevur arbeitt í mong ár, og Eyð Tausen Magnussen tekur við starvinum í Skálafjarðar læknadømi hin 1. apríl.
Eyð Tausen Magnussen nam sær embætisprógv innan læknafrøði í januar 2012 og fekk serlæknagóðkenning í almennum medisini hin 1. november 2021.
Nýggi læknin í Skálafjarðar læknadømi hevur eitt skifti arbeitt í Lækahúsinum í Hoyvík.
##med2##
