Fleiri nýggj met vórðu sett í FM-kappingini seinasta vikuskifti.
Karin Gaardlykke úr Havnar Svimjifelag setti nýtt met í 400 m frí við tíðini 4.42.90. Hon setti eisini met í 800 frí við tíðini 09.50.89.
Metið í 400 frí, ið hevur staðið í 12 ár frá Oyggjaleikunum í 1989 í Føroyum, átti Durita D. Djurhuus.
Dia Jacobsen úr HS setti nýtt met í 100 firvald við tíðini 00.59.99, og í 100 rygg við tíðini 01.01.43.
Eivind Eysturoy úr HS setti nýtt met í 100 frí við tíðini 00.53.73, og í 50 firvald við tíðini 00.26.74.
Bogi Lenvig úr HS setti nýtt met í 200 frí við tíðini 01.58.63.
Havnar Svimjifelag setti nýtt met í 4 x 100 blandað fyri lið við tíðini 04.04.54 og í 4 x 200 frí fyri lið við tíðini 08.11.62.
Eisini Havnar Svimjifelag setti met í 4 x 100: Bogi Lenvig, Asbjørn Hansen, Dia Jacobsen, Eivind Eysturoy.
Og í liðsvimjingini 4 x 200: Bogi Lenvig, Heini Harryson, Kristoffur Hentze, Kristian Martin Joensen úr Havnar Svimjifelag.
Bólkamet
Hesi settu eisini bólkamet:
Karin Gaardlykke úr HS í 400 frí í bólki 5 við tíðini 04.42.90 (samstundis føroyskt met) og í 800 frí við tíðini 09.50.89 (eisini samstundis føroyskt met).
Jógvan Joensen úr HS setti met í bólki 4 í 100 bringu við tíðini 01.10.04 (gamla metið var frá 1987, og Høgni T. Hansen átti tað) og eisini bøtti hann metið í 200 bringu til tíðina 02.36.14.
Jóannes á Fløtti úr HS setti met í bólki 4 í 100 rygg við tíðini 01.05.90.
Bólkamet fyri liðsvimjingar vóru:
Havnar Svimjifelag í Bólki 4 ? 4 x 100 frí fyri lið við tíðini 04.33.80 og 4 x 200 frí fyri lið við tíðini 08.56.60
Svimjarnir í kapp. 12 og í 38: Jóannes á Fløtti, Atli Brix Andreassen, Eli Christiansen, Jógvan Joensen.
Ársins svimjarar
Fyri ídni, framgongd í svimjiárinum og sum tey eisini prógvaðu so staðiliga til FM 99 við at seta føroysk met vórðu hesi vald til ársins svimjarar:
Hjá kvinnum Karin Gaardlykke úr Havnar Svimjifelag, og hjá monnum Dia Jacobsen úr Havnar Svimjifelag.
Svimjarin, ið skoraði tað hægsta stigatalið eftir týsku point-skipanini var Eivind Eysturoy úr Havnar Svimjifelag í harðari kapping við Boga Lenvig og Dia Jacobsen, ið báðir høvdu 722 stig.
Ferðasteypið, ið til FM verður latið tí svimjaranum ið hevur hægsta stigatal, varð tí hesaferð handað Eivindi.
Í 50 firvaldasvimjing við tíðini 00.26.74 gav hetta eitt stigatal uppá 729.
Oyggjaleikalandsliðini
Menn:
Heini Rasmussen, Eivind Eysturoy, Kristoffur Hentze, Bogi Lenvig, Andrass Thomsen, Asbjørn Hansen, Kristian Martin Joensen, Jógvan Joensen, Dia Jacobsen, Heini Harryson og Hallur Stakksund ? allir úr Havnar Svimjifelag.
Kvinnur:
Shaila millum Garðarnar, Regitsa Thomsen úr Tvøroyrar Svimjifelag.
Karin Gaardlykke, Maiken Petersen og Rannvá Jacobsen úr Havnar Svimjifelag.
