45 ára franski fótbóltsdómarin, Tony Chapron bleiv í farna mánað heimskendur fyri at sparka Nantes-spælaran, Diego Carlos við endan av League 1 dystinum millum Nantes og Paris Saint Germain, sum var leiktur sunnudagin 14. januar.
TRÝST á PÍLIN á MYNDINI, og síggj hendingina frá 14. januar tá Tony Chapron sparkaði Diego Carlos niður.
Tony Chapron vísti Diego Carlos av vøllinum beint aftaná, og tað fekk ilt í fleiri fólk í Fraklandi.
Franska fótbóltssambandið hevur fyribils givið Tony Chapron eitt bann frá at døma fótbóltsdystir í tríggjar mánaðar. Møguleiki er fyri, at bannið verður longt tríggjar mánaðar aftrat.
Tony Chapron er ein royndur dómari annars. Hann hevur dømt dystir í fronsku League 1 síðani 2004, men nú verður so ein fyribils steðgur.
Dysturin 14. januar millum Nantes og Paris Saint Germain endaði annars við einum 1-0 sigri til PSG, men tað er nakað annað fólk minnast dystin fyri.
