Í 2020 vóru 7,6 prosent av føroyingum í fátækaváða. Tað vísir ein uppgerð hjá Hagstovuni og sostatt var fátækadømið í 2020 at kalla tað sama, sum tað var í 2019, tá ið tað var 7,7 prosent.
Grundarlagið undirtølunum er javnvirðisinntøkan, sum er inntøkan hjá fólki í eitt ár. Tá ið javnvirðisinntøkan verður roknað, verður lagt upp fyri, hvussu nógv vaksin og børn eru í eini húski, tí tað sigur nakað um, hvørjar nýtslumøguleikar tey einstøku í húskinum hava.
Eitt stórt húski má hava størri inntøku enn eitt lítið, tí tað kostar meiri at føða og klæða eitt stórt húski. Men samstundis eru eisini fyrimunir í einum stórum húski. Eitt húski við fimm fólkum skal ikki rinda alt fimm ferðir so nógv fyri ljós, varma, hvítvørur, og annað, sum eitt húskið við einum fólki skal.
##med2##
Sum tað sæst í talvuni omanfyri, hevur prosentparturin av fólki í fátækaváða, ligið um 10 prosent tey flestu árini. Tó var eitt fall frá 2018 til 2019 úr 9,9 prosentum, niður í 7,7 prosent. Í 2020 var parturin av fólki í fátækaváða 7,6 prosent, sum er næstan tað sama sum í 2019.
Fremsta orsøkin til fallið frá 2018 til 2019 var, at tað eru nógvir pensjónistar, sum hava verið undir fátækamarkinym, men í 2019 fóru fleiri av teimum upp um markið aftur – og teir hildu sær har í fjør.
Tað vóru einamest tey ið eru 67 ár og eldri, har tey vóru tvey, ella fleiri, í húski, sum fóru uppum markið í 2019. Hinvegin er støðan hjá teimum støku fólkapensjónistunum áleið tann sama í 2020, sum hon hevur verið og tað merkir, at væl meira enn helvtin av teimum enn eru undir fátækamarkinum.
##med3##
Talvan omanfyri vísir prosentpartin av føroyingum, sum eru undir fátækamarkinum.
Í ES eru 16,7 prosent av fólki í fátækaváða. Í Norðurlondunum er parturin av fólki í fátækaváða størstur í Grønlandi í 2018, tá 16,8 prosent vóru í fátækaváða og og í Svøríki í 2019, tá 16,1 prosent vóru í fátækaváða. Fægst eru í fátækaváða í Føroyum og Íslandi. Í Íslandi vóru 8,8 prosent av fólkunum í fátækaváða í 2018. Sí eisini talvuna niðan fyri.
##med4##
