Sjøtil verður seinnapartin settur á næsta triðingin í fótbóltslandskappingini. Í 10. umfari er tað merkisvert, at øll liðini, sum skulu spæla á útivølli, á støðutalvuni eru omanfyri tey, sum fáa vitjan.
Toppliðið B36 er á veg til Gøtu at spæla ímóti Víkingi, sum er á triðja plássi.
Meistararnir í HB, sum eru næstovast, eru á veg til Klaksvíkar at spæla ímóti KÍ, sum er á fjórða plássi.
EB/Streymur, sum er á fimta plássi, skal spæla á útivølli ímóti Skála, sum er aftast.
NSÍ, sum er á sætta plássi, skal spæla á útivølli ímóti AB, sum er næstaftast.
Hesir dystirnir vera allir klokkan 15.00 í dag.
Í annaðkvøld skal ÍF, sum er á sjeynda plássi, út á Svangaskarð at hitta B68, sum er á 8. plássi.
Líkindini vera góð at spæla fótbólt seinnapartin. Hann sigur frá lítlum loti av eystri og landnyrðingi, sókin fer at síggja viðhvørt, og hitin verður 7-8 stig.
Í dag
KÍ-HB: Lars Múller kl. 15.00
Víkingur-B36: Dagfinn Forná kl. 15.00
Skála-EB/Streymur: Ransin N. Djurhuus kl. 15.00
AB-NSÍ: Rúni Gaardbo kl. 15.00
Í morgin
B68-ÍF: Eiler Rasmussen kl. 19.00
Støðan
B36 23
HB 21
Víkingur 13
KÍ 13
EB/Streymur 12
NSÍ 11
ÍF 11
B68 8
AB 7
Skála 4
