Liðið hjá Janusi Dam Djurhuus, Leivi Mortensen, Jónasi G. Djurhuus og Boga Hansen, FIF sum spælir í næstbestu donsku hondbóltsdeildini tók í kvøld móti Sønderjyske úr bestu deildini í dysti í donsku steypakappingini.
Í fyrra hálvleiki gekk illa í hond hjá FIF, og í steðginum var Sønderjyske á odda 15-8. Tað gekk munandi betri hjá føroyingaliðnum í seinna hálvleiki, og tað eydnaðist FIF at vinna seinna hálvleik 12-10, men Sønderjyske er víðari í steypakappingini við einum 25-20 sigri.
Jónas skoraði tvey mál og legði upp til tvey mál. Janus skoraði eitt mál, meðan Leivur og Bogi ikki megnaðu at skjóta mál í kvøld.
Leygardagin 7. september spælir FIF fyrsta dystin í næstbestu deildini hetta kappingarárið. Dysturin verður á útivølli móti Skive.
