Hetta vikuskiftið takast Dánjal Ragnarsson, Janus Dam Djurhuus og liðfelagarnir í ÍBV við evropeiska avbjóðing úti í Heimey.
Í dag leikti ÍBV fyrra dystin í innleiðandi umfarinum í Europa Cup kappingini móti MK Holon úr Ísrael.
Talan gjørdist um eina málríka uppgerð, ið ÍBV vann 41-35. Í steðginum var ÍBV á odda 20-18. Løtan í seinna hálvleiki, har ÍBV fór frá einari 27-26 leiðslu til eina 31-26 leiðslu var rættiliga avgerandi. Eftir tað eydnaðist at halda frástøðuna til MK Holon.
Janus Dam Djurhuus skoraði trý mál og Dánjal Ragnarsson skoraði tvey mál fyri ÍBV.
Í morgin klokkan 17 spæla liðini seinna dystin úti í Heimey. Tá hevur MK Holon tekniska heimavøllin eftir, at liðini avráddu at spæla báðar dystirnar á heimavøllinum hjá ÍBV.
