Umframt tvey 18 ára gomul úr hvørjari kommunu í Danmark og úr Føroyum og Grønlandi, so eru eisini úrmælingar innan tónleik og ítrótt boðin við.
Úr Føroyum var lutakast um tey, sum høvdu meldað seg til hjá Løgmansskrivstovuni. Tað lutakastið vunnu tey bæði Emma Bech Christiansen á Argjum og Andrias Garðsá í Havn.
Men umframt tey bæði, so er hondbóltsúrmælingurin, Elias Ellefsen á Skipagøtu, fimleikaúrmælingurin Astrið Nanly Breckmann og tónleikaúrmælingurin Andreas Haraldson Blåsvær eisini boðin við. Soleiðis fara fimm ungir føroyingar í veitsluna hjá Christiani prinsi, har omma hansara, Margerta drotning, er vertur. Veitslan verður í veitsluhøllini á Christiansborg.
