Tað fer nógv bygging fram í Sands kommunu í hesum døgum.
Á Facebook-vanganum hjá kommununi verður sagt, at heili átta sethús standa í gerð - ella eru ávegis í gerð í løtuni.
Í góðveðrinum í dag eru enn eini sethús reist á Sandi, og flaggið veittrar í húnar hátt fyri einum komandi heimi.
- Hugvekjandi og sera jaligt, at sandsbygd eigur fólk við áræði og kærleika til bygdina, soleiðis at tey velja at byggja sær heimið á hesum staði.
Tað siga tey í Sands kommunu í dag.
Tað er sjón fyri søgn, at tað grør um gangandi fót á Sandi í hesum døgum, har fleiri sethús nú standa í gerð.
Í stóru útstykkingini, sum Sands kommuna hevur gjørt, verður eisini bygdur nýggjur barnagarður til umleið 100 børn.
##med2##
