FM1: Árni dømdi legendariskan dyst í Klaksvík fyri 50 árum síðani

##med2##

Í dag eru liðin júst 50 ár síðani HB steðgaði sigursrøðini hjá legendariska 66-liðnum hjá KÍ tann 29. august í 1971.

Liðini møttust við Djúpumýru frammanfyri 3.000 áskoðarum, ið var áskoðaramet tá á døgum.

KÍ-HB 1-2 (1-0) - 29. august 1971:

1-0 Steinbjørn Jacobsen (14.)

1-1 Poul Michelsen (50.)

1-2 Poul Michelsen (87.)

Á ljóðfíluni omanfyri ber til at hoyra Árna Gregersen, ið dømdi dystin greiða frá í samrøðu við FM1.

Árni Gregersen var bert 19 ár tá hann dømdi alt avgerandi dystin, men sum hann sigur: - Eg hevði longu tá dømt fleiri dystir, og tí hevði eg royndirnar til at døma dystir.

Árni greiðir frá, at tað margháttliga var, at í fyrra hálvleiki fekk KÍ bóltin í netið við støðuna 1-0. Árni viðurkendi ikki málið, tí talan var um eina støðu har málverjin hjá HB bleiv órógvaður.

KÍ-arnir gjørdu ikki nógv burturúr tí í fyrra hálvleiki, men so javnar HB og skorar eisini sigursmálið, og tá var gjørt nógv burturúr málinum, ið Árni ikki góðkendi. Táverandi liðformaðurin, Magnus Kjelnæs kom inn í umklæðingarrúmi hjá dómarunum, og hann kravdi einki minni enn, at Árni blásti ein umdyst í gongd millum KÍ og HB.

Tá Suni Merkisstein gjørdi ein dokumentar 40 ár seinni - í 2011 - um 66-liðið og ikki minst minniliga dystin í Klaksvík 29. august í 1971 vóru upptøkur at síggja, ið prógvaðu, at Árni hevði rætt frá fyrstan tíð, men sum Árni undirstrikar, at hann var frá fyrsta degi vísur í, at hann dømdi rætt í støðuni. Árni sá premieruna í Atlantis Bio í Klaksvík saman við spælarunum hjá KÍ og HB. 

Árni sum er í Bornholm í hesum døgum umrøður eisini heilt stutt nýggja landsliðsspælaran, John Frederiksen sum er uppvaksin á Bornholm. 

HER ber til at síggja dokumentarin hjá Suna Merkisstein um 66-liðið: 

##med3##