Thomas Koba, umboð fyri felagið Samskifti, fekk høvi at handa heiðurin fyri ársins húsa.
Hendan heiðurin fekk Eagle in the Sky hjá Lenu Andersen.
Soleiðis sigur dómsnevndin:
Dómsnevndin hevur havt nøkur punktir at dømt útfrá.
1. Konsept, altso sjálvt hugskotið við húsanum, hvat tað gongur út uppá. Søgan í húsanum.
2. Design, hvussu gjøgnumhugsa og tight er designi. Hevur man stýr uppá skrifttypur, og er balansa í sniðgevingini.
3. Tað persónliga. Hvussu “egin” er fløgan. Hevur hon sítt egna serstaka look, sum passar til?
4. Góðskan á húsanum. Tað er so framleiðslan. Hvussu væl liggur húsin í hondini, heldur hann? Hevur man brúkt tíð og pening uppá at eitt kvalitetsprodukt, sum er til at føla uppá?
5. og so til seinast: Skapar húsin eitt meirvirði til útgávuna. Lyftir húsin fløguna enn hægri upp aftrat tónleikinum á fløguni.
Dómsnevndin hevur ikki bara hugt at forsíðuni, men hevur latið upp, blaða runt í og kasta millum sín hesar húsarnar, lagt teir undir koddan og sovi á teimum fyri at finna útav heildarupplivingini av húsanum.
Nógvar fløgur OG plátur, nógvir miðal-húsar, nógv pátikið design, nógv supergott… og so vóru tað hasar 5 - 6 styks sum skaraðu framúr.
Og tann besta av teimum, tvs. vinnarin av FMA Ársins Húsa 2017 er:
“Eagle in the Sky” við Lenu Andersen!
Undanfarnir vinnarar eru útgávurnar Slør og Bridges hjá Eivør í 2016, Time hjá Dánjal á Neystabø í 2015 og Valkyrja hjá Týr í 2014.
