Føroyingarnir hjá Viking Stavanger gjørdu sítt við at skjóta 16 av 26 málum, men Viking Stavanger var fyri 26-30 tapi í útidystinum móti Follo í endaspælinum í næstbestu norsku hondbóltsdeildini. Í steðginum var støðan javnleikur 15-15.
Tróndur Mikkelsen skoraði átta mál, Jónas G. Djurhuus skoraði fimm mál og Helgi H. Hoydal skoraði trý mál. Jónas var besti maður á vøllinum sambært heimasíðuni hjá norska hondbóltssambandinum.
Viking Stavanger, Follo og Viking TIF kappast í einum endabólki har vinnarin flytur upp í bestu norsku hondbóltsdeildina.
Viking TIF hevur trý stig, og Follo og Viking Stavanger hava tvey stig hvør.
Mikudagin klokkan 17 spælir Viking Stavanger heimadyst móti Viking TIF.