Allan Norðberg, Nicholas Satchwell og liðfelagarnir í KA spældu í kvøld heimadyst í bestu íslendsku hondbóltsdeildini móti greiða oddaliðnum, Vali.
Valur vann dystin 36-32. Í fyrra hálvleiki var KA væl við. Í steðginum var støðan javnleikur 17-17.
Allan skoraði tvey mál, og Nicholas var noteraður fyri tvær bjargingar.
KA er nummar 10 í deildini við 11 stigum. KA hevur trý stig upp til áttanda plássið, ið gevur atgongd til endaspælið.
KA spælir dyst aftur sunnudagin 19. februar. Tá verður ÍR Reykjavík mótstøðuliðið í dysti á útivølli.
