Um eitt sindur meira enn tveir mánaðir, tann 23. juli, verða Olympisku summarleikirnir setti í Tokyo – eitt ár seinni enn ætlað vegna koronufarsóttina.
Men stendur tað til fólkið í vertslandinum, so verða leikirnir avlýstir.
Nógvi japanar hava leingi verið atfinningarsamar fyri at halda leikirnar mitt í eini farsótt, sum í hesum døgum ger um seg serliga í Tokyo og øðrum pørtum av Japan.
Undantaksstøðan í Tokyo er longd til síðst í mai.
Seinastu meingakanningar, sum landsins miðlar hava gjørt um vikuskiftið vísir, at mótviljin ímóti OL í summar framvegis er stórur í samfelagnum.
Blaðið Youmiuri Shimbun gjørdi eina kanning frá 7. til 9. mai. Sambært henni vilja 59 prosent av fólkinum hava leikirnar avlýstar, meðan 39 prosent ynskja leikirnar. Tað skrivar Reuters.
Í kanningini kundu tú ikki svara, um tú vildi hava leikirnar útsettar.
Eisini TBS News gjørdi kanningar um vikuskiftið. Í teirri kanningini svaraður 65 prosent, at tey vildu hava leikirnar avlýstar ella útsettar.
Bæði fyrireikararnir og Altjóða Olympiska Nenvdin (IOC) hevur fyribils hildið fast um, at leikirnir verða í summar – við ella uttan áskoðarar.
/ritzau/
