Frælsi í Müllers Pakkhús

Tiltakið verður ein sam­anrenning av upplestri, tón­leiki og myndaframsýning. Eisini verður lætt ábit bjóða.
Bókin er 42 bloggur um frælsi við hugleiðingum úr Gal­a­t­i­a­bræv­i­num. Til bókaútgávuna hev­ur høv­und­urin heitt á sjey dugn­a­lig myndafólk at taka og/ella velja út eina mynd til hvørja blogguna. Í bók­ini eru soleiðis 42 myndir út­valdar av mynd­a­fólki við støði í boð­skap­i­num í einstøku blogguni. Hes­ar myndirnar vera sýndar fram á móttøkutiltakinum.
Bókin er um, hvussu frælsi gong­ur hond í hond við at taka ­á­byrgd av sær sjálvum, øðrum og øllum skapanarverkinum. Hon sigur nakað um, hvussu frælsi kann misskiljast og mis­nýtast, men leggur nógv størri dent á, hvussu frælsi skal skilj­ast og kann nýtast. Bókin er eisini eitt róp um loysing frá teim­um krøvum, væntanum og for­dóm­um, sum kristin og sam­kom­ur leggja á menniskju, ið eru skapt til frælsi. Hvør blogga í bók­ini skal síggjast sum ein gluggi inn í frælsislandið, sum stend­ur einum og hvørjum op­ið at traðka inn í og gerast borg­ari í.
Eitt serstakt við bókini er, at Jógv­an hevur gjørt nýggja um­set­ing av Galatiabrævinum á ger­and­ismáli, sum er løtt fyri øll at lesa og skilja. Umsetingin er aft­ast í bókini.
Út­gáv­u­tiltakið í Müllers Pakk­húsi týsdagin er opið fyri al­menn­ing­inum.