Hans Jørgen Djurhuus varð í dag funnin sekur í harðskapi fyri hendingina 20. januar í Gundadali, tá hann undir einum vinardysti móti HB, sló Poul Ingason í andlitið, so at hesin breyt nøsina.
Les eisini: Sekur í harðskapi
Hann fekk tó ein treytaðan dóm í eitt ár, so um hann ikki ger nakað revsivert komandi árið, verður hann ikki revsaður fyri hesa gerð heldur.
Les eisini: Hans Jørgen onga viðmerking
Fótbóltssamband Føroya hevur boðað frá, at bíðað verður eftir dóminum úr Føroya Rætti, áðrenn fótbóltssambandið tekur støðu til um Hans Jørgen skal hava leikbann.
- Vit hava starvsnevndarfund í komndi viku. Tá taka vit málið upp, sigur Virgar Hvidbro, aðalskrivari hjá FSF.
Les eisini: Hans Jørgen verið í rættinum
Christian Andreasen, FSF forseti, hevur fyrr víst á, at tá løgreglan tók málið upp, so valdi FSF at bíða eftir at dómur fall í málinum, áðrenn meiri bleiv gjørt burturúr málinum.
