Gibraltar er styrkismett væl lægri enn Føroyar, men tað eydnaðist ikki føroysku favorittunum at vinna, tá ið Føroyar í kvøld spældi venjingardyst í Gibraltar. Føroyar eru í hesum døgum á venjingarlegu í Suðurspania, og umframt dystin í dag fara Føroyar týsdagin at spæla vinardyst ímóti Liktinstein. Tann dysturin verður í Spania.
Føroyar vóru í fyrra hálvleiki væl meiri á bóltinum enn mótstøðumenninir – mest sum tvífalt so nógv – men tá eydnaðist tað ikki at vinna upplagdar málmøguleikar. Gibraltar hevði ongan málmøgueika í fyrra hálvleiki, sum tí var rættiliga tamur.
Eftir steðgin var heimaliðið eina løtu omaná, men síðsta stóra korterið fingu føroyingarnir fatur á spælinum. Fleiri útskiftingar vóru, og fram ímóti endanum var tað fleiri ferðir um reppið, at Føroyar skoraðu. Næst við var liðformaðurin Hallur Hansson, men tá ið hann smekkaði til, brast bólturin í stólpan aftanfyri heimamálverjan.
Tølini siga, hvussu stórur munur tað yvirhøvur var á liðunum. Føroyar vunnu 10 hornaspørk, og Gibraltar vann einki hornaspark.
Gibraltar - Føroyar 0-0
Vinardystur á Victoria Stadion í Gibraltar leygardagin 26. mars 2022 kl. 17.00
Dómaratrio úr Onglandi: David Coote, Neil Davies Constantine Hatzidakis
4. dómari úr Gibraltar: Seth Galia
Føroyar: Gunnar Nielsen – René Shaki Joensen, Odmar Færø (Sonni Ragnar Nattestad, 62.), Hørður H. Askham (Rógvi Baldvinsson, 79.), Viljormur Davidsen (Daniel Johansen, 79.) – Gilli Rólantsson Sørensen (Jóannes Bjartalíð, 46.), Sølvi Vatnhamar, Gunnar Vatnhamar, Meinhard Egilson Olsen (Patrik Johannesen, 73.) – Hallur Hansson, Klæmint A. Olsen (Petur Knudsen, 62.)
Á beinkinum uttan at verða skiftir inn: Teitur Matras Gestsson, Mattias Lamhauge, Heri H. Mohr, Heðin Hansen, Adrian Justinussen, Jákup B. Andreasen
Gult kort: Rógvi Baldvinsson
Venjari: Håkan Ericson
Hjálparvenjari: Eli Hentze
